Netheimar tölvuverslun tölvuþjónusta tölvuviðgerðir vefsmíði vefumsjónarkerfi

NETHEIMAR - AÐEINS ÞAÐ BESTA!

Pantaðu vöru og þjónustu með hjálp Verkstjórans (© Netheimar) og fylgstu með framvindu mála

5.11.2007 | Microsoft til Ísafjarðar

17.8.2007 | Þjónustusamningur við Bolungarvíkurkaupstað

31.3.2007 | Netheimar flytja í nýtt húsnæði

Netheimar eru í samstarfi við öflug og rótgróin fyrirtæki sem bjóða viðurkennd vörumerki.

Netheimar bjóða upp á alla almenna tölvuþjónustu fyrir einstaklinga og fyrirtæki.

Í verslun Netheima!
Tölvubúnaður af öllu tagi, skrifstofuvörur, raftæki og fleira.

Microsoft til Ísafjarðar

Föstudaginn 9. nóvember verða fulltrúar frá tölvurisanum Microsoft staddir á Ísafirði til að kynna fyrir fyrirtækjum og stofnunum hugbúnaðarlausnir og samninga.

Kynningin, sem er samstarfsverkefni Netheima og Microsoft, er þrískipt að sögn Magnúsar Hávarðarsonar hjá Netheimum:

Fyrsti hlutinn er ætlaður stærri fyrirtækjum og stofnunum með a.m.k. 10 til 20 tölvur og netþjóna. Að undanförnu hafa opnast mun fleiri möguleikar á leyfissamningum hjá Microsoft fyrir rekstraraðila af þessari stærðargráðu sem gerir þeim mögulegt að nota ávallt t.d. nýjasta Windows og Office hugbúnaðinn fyrir sanngjarnt verð. Mikil hugarfarsbreyting er að eiga sér stað meðal forsvarsmanna fyrirtækja varðandi mikilvægi notkunar á löglegum hugbúnaði og er kynningin upplagt tækifæri til að átta sig á ótal möguleikum sem bjóðast. Takmarkaður fjöldi kemst á þennan hluta kynningarinnar og er áhugasömum bent á að skrá sig sem fyrst hjá Magnúsi Hávarðarsyni hjá Netheimum (sími 456-5006) eða í netfangið netheimar@netheimar.com.

Annar hlutinn er ætlaður smærri rekstraraðilum sem hafa áhuga á að kynna sér hagræðingarleiðir í hugbúnaðarkaupum og umsjón. Áhersla verður lögð á Small Business Server lausnir og einnig kerfishýsingu (Hosting), en Netheimar hafa komið sér upp kerfisrými í húsakynnum sínum til notkunar í þessum tilgangi og gert sérstakan samning - Service Provider License Agreement (SPLA) við Microsoft um notkun á hugbúnaði í hýsingu. Nauðsynlegt er að áhugasamir skrái sig hjá Netheimum sem fyrst.

Þriðji hlutinn er ætlaður starfsmönnum Netheima, en Microsoft mun kynna ítarlega fyrir þeim allar helstu vörur og leyfistegundir fyrirtækisins.

Þjónustusamningur við Bolungarvíkurkaupstað

Bolungarvíkurkaupstaður og Netheimar ehf. undirrituðu þann 14. ágúst sl. þjónustusamning á sviði tölvu- og upplýsingamála sveitarfélagsins.

Samningurinn er gerður á grundvelli úttektar og þarfagreiningar á öllum sviðum upplýsingatæknimála sveitarfélagsins. Meginþættir samningsins lúta að tæknilegri ráðgjöf, umsjón og eftirliti tæknibúnaðar ásamt vefhýsingu og vefumsjón. Með samningnum eru upplýsingatækimál sveitarfélagsins nær alfarið útvistuð frá meginstarfsemi þess.

Netheimar hafa einnig smíðað nýjan vef fyrir Bolungarvíkurkaupstað sem byggir á vefumsjónarkerfi sem verið hefur í þróun hjá fyrirtækinu um nokkurt skeið. Með tilkomu nýrrar heimasíðu og þeirra breytinga og endurbóta sem fram munu fara á upplýsingatækniumhverfi sveitarfélagsins mun þjónusta við íbúa og gesti batna verulega. Það er að auki markmið þessa samnings að auk bættrar þjónustu og aðgengis fyrir notendur þá muni einnig nást fram veruleg fjárhagsleg hagræðing.

Það er stefna Bolungarvíkurkaupstaðar að skipta við fyrirtæki á svæðinu en þó á samkeppnishæfum forsendum og er samningurinn við Netheima dæmi um slíkt.

TÖLVUBÚNAÐUR

Unnið er að uppfærslu á verslunarhluta vefsins og bendum við fólki á að koma í verslun okkar Aðalstræti 20 á Ísafirði og kynna sér vöruúrval

Myndir af nýju húsnæði